Bos días! Déixovos unha serie de orientacións e actividades para aquelas familias con alumnado que ten dificultades de pronunciación. Son actividades moi divertidas para reforzar a articulación a través do xogo.
Como veredes, a entrada consta de tres bloques: O primeiro dirixido ao soplo, o segundo a os movementos orofaciais e o terceiro vai adicado ao fonema R. O convinte é realizar unha actividade de cada un dos bloques, durante 15 ou 20 minutos ao día, e polo menos tres días á semana.
Antes de comezar, gustaríame que tivésedes en conta as orientacións.
ÁNIMO FAMILIAS!
OBSERVACIÓNS PARA AS FAMILIAS
- É moi importante que os nen@s teñan a necesidade de falar, non vos conformedes cos seus xestos, non debedes adiantarvos a darlle as cousas, deixar que as pidan verbalmente.
- Acepten con ánimo todos os intentos de mellora da articulación que fagan os nen@s. Así os potenciarán.
- Evitar as comparacións con outros nen@s da mesma idade. Cada persoa é única e que a súa evolución e tempo de maduración pode ser similar a de outros nen@s pero nunca idéntica.
- Se o fill@ persiste en pronunciar unha palabra de forma incorrecta, non o angustiedes, pero recórdelle (dicíndoa ben usted) como é correctamente, para que entenda que a mala articulación no se da por boa.
- Tamén é importante non falarlles con “linguaxe de bebé”, xa que iso o retería nun grao de infantilismo afectivo e lingüístico.
- Non exixades un esforzo que non sexa capaz de realizar, a maior catástrofe que nos pode ocorrer é que o nen@ néguese a falar.
Polo tanto... ¿Que podemos facer?
- O ideal é que falen lentamente, con entoación normal e pronunciación clara
- Evitar repetir as palabras mal articuladas aínda que sexan graciosas, xa que iso reforzará unha articulación errónea.
- Utilizar un vocabulario axeitado para a súa idade.
- Propoñer situacións comunicativas para favorecer a expresión oral (cantar cancións, contar contos, memorizar refráns, adiviñas, xogos de palabras...)
- Amosar confianza, ofrecer seguridade e motivación, porque as veces poden sentir certa ansiedade ou desánimo.
BLOQUE 1: ACTIVIDADES DE SOPLO
Seguir o labirinto: Empregamos unha corda, ou plastilina para facer un circuíto. Logo cunha pelota de ping-pong (incluso podemos moldear un cachiño de algodón) colocámola nun estremo e… a soprar sen saír do camiño marcado.
Transportar boliñas: Se tedes en casa paxas, xogade a absorber as boliñas e botalas noutro recipiente. Esta actividade tamén a podedes facer con anacos de papel.
Burbullas: Poñede nun vaso auga e xabón e soprade cunha paxiña para conseguir facer burbullas.
Caixa dos ovos: usade unha caixa dos ovos a modo de camiño. Debedes levar a pelotiña ata o final soprando.
BLOQUE 2: MOVEMENTOS OROFACIAIS
Imitar as imaxes do neno:
Enlaces para traballar as praxias:
Dado das praxias:
Seguir as seguintes instrucións para traballar as praxias por zonas:
Praxias linguais
- Sacar e meter a lingua.
- Subir e baixar a lingua coa boca aberta.
- Empuxar as mexelas coa lingua, de un lado a outro.
- Tocar o labio superior e o inferior coa lingua.
Praxias labiais
- Intentar dar un bico e despois facer un sorriso sen despegar os labios. Facer o mesmo movemento cos labios pechados.
- Agochar e mostrar os labios.
- Imitar as vocais facendo unha correcta posición labial.
- Buscar morder o labio superior cos incisivos inferiores e despois morder o labio inferior cos incisivos superiores.
Praxias do velo do paladar.
- Facer gárgaras.
- Imitar o bostezo.
- Tomar aire polo nariz e despois expulsalo pola boca en forma de “a”.
Praxias de mandíbula
- Facer que se mastiga.
- Movemento de dereita a esquerda da mandíbula inferior.
- Abrir e pechar a mandíbula lentamente e despois a maior velocidade.
Na maioría dos casos, o fonema no que máis dificultades se observan é o fonema R vibrante. Por iso, neste terceiro bloque farei referencia a como traballalo, a través de xogos, lecturas, ocas, repetición de palabras etc.
BLOQUE 3: FONEMA R
Repetir as seguintes palabras: burro, carro, serra, rápido, corredor, arrastra, ruído, ramo, roto, remedio, rosa, recibir, correr, cantar, bailar, terremoto, macarrón, resta, regadeira, Rocío.
(Podedes xogar a buscar outras palabras que leven R forte ou incluso inventalas)
Oca da R: Debedes buscar e imprimir a imaxe, necesitades un dado e algo que faga de ficha de cada un dos participantes. Cando caiades nunha imaxe teredes que dicir o nome.
Dicir os nomes dos seguintes debuxos:
Trabalinguas:
Lecturas: Lerlles contos ou frases e que repitan as palabras con R forte no caso do alumnado que non sabe ler.
Páxinas web de interese para traballar o fonema R:
